close
眠床邊的故事
各位裁判老師，各位朋友，逐家好，我是第七號，今仔日我欲演講的題目是：眠床邊的故事。
自細漢，我就足活潑e，欲睏進前，攏愛人講古予我聽。阮阿母尚gau講故事，伊講的古攏誠趣味，我攏聽甲耳仔phak-phak-phak。會記e有一個故事尚予人感動，這嗎，我就來講予逐家聽。
有一個庄腳人叫做阿發a，イ因某tih欲(快要)順月(臨盆)的時陣，有一個算命仙就共伊講，恁某會生雙生仔哦，ah不閣，其中一個是欲來報恩的，另外一個是來了尾的。人講算命仔嘴糊累累，伊講的話敢會信e？阿發a才無咧共伊信tau咧。尾a，イ因某真正生一對雙生仔，伊歡喜甲嘴仔離sai-sai。
時間過了真緊，目一nih，囡仔就十幾歲a 嘍。大漢的叫做阿雄，人骨力閣知影輕重，厝內大細項代誌，攏是伊佇咧鬥腳手。照理應該足得人疼才著。偏偏仔阿發a疼袂入心，有一擺做風颱，阿雄ui厝尾頂跋落來，腳骨煞斷去，開足儕藥仔錢。阿發a氣身擼命，忽然間，伊想起以前算命仙講的話，敢講這個囡仔就是彼個欲來敗家的了尾仔囝？
伊愈想愈無妥當，就心肝掠坦橫，共阿雄戽出去。可憐的阿雄，離開厝了後，親像找無巢的孤鳥，無地食，嘛無地睏，四界去流浪，尾a，伊昏倒佇這間工場的門腳口。頭家看伊相貌堂堂，未來一定是一個將才，就好心共伊留落來。
人講拍折手骨顛倒勇，雖然阿雄遭遇這款坎坷的命運，伊並無失志，顛倒閣卡認真閣卡拍拚，經過真儕年的奮鬥，真無簡單，阿雄出頭天a，伊變成這間大公司的大頭家，ah不閣，佇咧阿雄的心肝內，並無真正的滿足佮快樂，因為伊不時會想起故鄉的父母。離開厝[那麼]儕年a，イ因不知影過了好無，半暝仔，伊若想起失去父母疼痛彼款的苦楚，心肝就愈親像針佇咧[刺]。
有一工，伊決定欲轉去故鄉看一[趟]。彼工tih欲到厝的時陣，伊看著一對老大人，踞佇咧大路邊共人分，斟酌看，原來是伊的父母。「阿爸阿母，恁哪會佇[這裡]咧？」兩個老的看著阿雄轉來，感覺足見笑e，越頭就欲走。
阿雄雙腳跪落地，目屎流目屎滴，共イ因扭tiau-tiau，「恁勿走好無？我敢會目睭金金看恁佇咧食苦？厝內到底發生啥麼代誌，你緊共我講a！」
「唉！寵豬夯灶，寵囝不孝。是你的小弟阿明，予我穿甲不是款，這嗎厝內田地，攏予伊敗了了，不才會變甲[這麼]悽慘！」
「阿爸，袂要緊，你放心，一切攏交予我就好a。」阿雄並無抾恨當年イ因老父共伊趕出去，顛倒轉來有孝父母，這款的孝心，實在足予人感動。人講在生一粒豆，較贏死了拜豬頭。咱愛趕緊來有孝咱的父母，勿等甲父母過身了後，才知影欲有孝，he就傷慢a loo。
我講完a，多謝逐家。
全站熱搜
留言列表
