- Nov 03 Sun 2024 13:35
-
鬼仔馬車（Amelia Edwards原著 The Phantom Coach）
- Aug 12 Mon 2024 18:48
-
鯉魚潭、七星潭兩潭自行車道踏查記錄10-花蓮漁港到四八高地
鯉魚潭、七星潭兩潭自行車道踏查記錄10-花蓮漁港到四八高地
食飽了後繼續騎，往奇萊鼻這段海岸，景緻袂bái。
Chia̍h pá liáu-āu kè-sio̍k khiâ, óng Kî-lâi-phīⁿ chit tōaⁿ hái-hōaⁿ, kéng-tì bōe bái.
- Aug 12 Mon 2024 18:05
-
鯉魚潭、七星潭兩潭自行車道踏查記錄09-花蓮港口親水區到花蓮漁港
鯉魚潭、七星潭兩潭自行車道踏查記錄09-花蓮港口親水區到花蓮漁港
自轉車道到遮，愛倒斡落去打馬膠路，了後向前一屑仔囝，正斡起去棧枋路，了後落崎，接到打馬膠路進前愛落來牽車，koh隨愛注意正爿後壁港區出來ê tho͘-lá-khù。天才ê設計！我行替換道路，正斡經過景觀橋入去碼頭chiah-koh接出來。
- Aug 12 Mon 2024 16:53
-
鯉魚潭、七星潭兩潭自行車道踏查記錄08-吉安溪出海口到花蓮港口親水區
鯉魚潭、七星潭兩潭自行車道踏查記錄08-吉安溪出海口到花蓮港口親水區
南濱公園海岸。二、三十冬來，海岸線倒勼，所以海岸囥規排的肉粽角，無法度接近，後來改鋪做按呢，koh加上離岸堤。
Lâm-pin kong-hn̂g hái-hōaⁿ. Jī, saⁿ-cha̍p tang lâi, hái-hōaⁿ-sòaⁿ tò-kiu, só͘-í hái-hōaⁿ khǹg kui pâi ê bah-chàng-kak, bô hoat-tō͘ chiap-kīn, āu--lâi kái phò͘ chòe án-ne, koh ka-siōng lī-hōaⁿ-thê.
- Aug 11 Sun 2024 19:47
-
鯉魚潭、七星潭兩潭自行車道踏查記錄07-榮光社區到吉安溪出海口
鯉魚潭、七星潭兩潭自行車道踏查記錄07-榮光社區到吉安溪出海口
榮光社區是一個較舊的社區，當初自轉車道經過遮，引起一寡議論。Ùi榮光社區se̍h出來，接到193縣道，這段算危險路段。
Êng-kng siā-khu siō chi̍t ê khah kū ê siā-khu, tong-chhoe chū-chóan-chhia-tō keng-kè chiâ, ín-khí chi̍t-kóa gī-lūn. Ùi Êng-kng siā-khu se̍h --chhut-lâi, chiap kàu 193 kōan-tō, chit tōaⁿ sǹg gûi-hiám lō͘-tōaⁿ.
- Aug 11 Sun 2024 18:51
-
鯉魚潭、七星潭兩潭自行車道踏查記錄06-花蓮溪出海口到榮光社區
鯉魚潭、七星潭兩潭自行車道踏查記錄06-花蓮溪出海口到榮光社區
花蓮溪出海口北岸。這段ê景緻不止仔súi。
Hoa-liân-khoe chhut-hái-kháu pak hōaⁿ. Chit tōaⁿ ê kéng-tì put-chí-á súi.
- Jul 28 Sun 2024 17:56
-
鯉魚潭、七星潭兩潭自行車道踏查記錄05-道班休息站到花蓮溪出海口
- Jul 28 Sun 2024 16:43
-
鯉魚潭、七星潭兩潭自行車道踏查記錄04-城中二街到道班休息站
鯉魚潭、七星潭兩潭自行車道踏查記錄04-城中二街到道班休息站
Koh看一kái山頂ê雪，毋過，已經11點a，看khah袂明a。
Koh khòaⁿ chi̍t kái soaⁿ-téng ê seh, m̄-koh, í-keng cha̍p-it tiám a, khòaⁿ khah bōe bêng a.
- Jul 28 Sun 2024 15:31
-
鯉魚潭、七星潭兩潭自行車道踏查記錄03 -木瓜溪橋到木瓜溪駁岸
鯉魚潭、七星潭兩潭自行車道踏查記錄03 -木瓜溪橋到木瓜溪駁岸
這是過台九線了後翻頭翕的，台九線車駛真緊，路口無青紅燈，不只危險。對面這間建築物是鐵馬驛站，無開。半冬後koh來遮，才知影遮會當貯滾水。
Che sī kè Tâi-káu-sòaⁿ liáu-āu hoan-thâu hip --ê, Tâi-káu-sòaⁿ chhia sái chin kín, lō͘-kháu bô chhiⁿ-âng-teng, put-chí gûi-hiám. Tùi-bīn chit keng kiàn-tio̍k-bu̍t sī thih-bé ia̍h-chām, bô khui. Pòaⁿ-tang āu koh lâi chiâ, chiah chai-iáⁿ chiâ ē-tàng tóe kún-chúi.
- Jul 28 Sun 2024 10:34
-
鯉魚潭、七星潭兩潭自行車道踏查記錄02-鯉魚潭到木瓜溪橋前
GIANT鯉魚潭店本底是花蓮縣水產培育所，這馬猶原是。
Chi-àn-tò͘ Lí-hî-thâm-tiàm pún-tóe sī Hoa-liân-kōan chúi-sán pôe-io̍k-só͘, chit-má iû-gôan sī.
- Jul 19 Fri 2024 19:48
-
鯉魚潭、七星潭兩潭自行車道踏查記錄01- 厝內到鯉魚潭
鯉魚潭、七星潭兩潭自行車道踏查記錄01- 厝內到鯉魚潭 (2010年寫ê)
是按怎beh寫這篇？新聞講，2009/12/12這條自轉車道通車，kā七星潭kah鯉魚潭自轉車道連起來。原來ê七星潭自轉車道一直thàng到南濱公園，南濱公園落南一直到花蓮大橋這段，tho͘-lá-khù chōe，koh無慢車道，好天ê時eng蓬蓬，落雨ê時mā介危險。
Sī án-nóa beh siá chit phiⁿ ? Sin-bûn kóng, 2009/12/12 chit tiâu chū-chóan-chhia-tō thong-chhia, kā Chhit-chhiⁿ-thâm kah Lí-hî-thâm chū-chóan-chhia-tō liân --khí-lâi. Gôan-lâi ê Chhit-chhiⁿ-thâm chū-chóan-chhia-tō it-ti̍t thàng kàu Lâm-pin kong-hn̂g, Lâm-pin kong-hn̂g lo̍h-lâm it-ti̍t kàu Hoa-liân tōa-kiô chit tōaⁿ, tho͘-lá-khù chōe, koh bô bān-chhia-tō, hó-thiⁿ ê sî eng-phōng-phōng, lo̍h-hō͘ ê sî mā kài hûi-hiám.
- Sep 03 Sun 2023 12:48
-
台語文語料處理kah線頂資源研究 後記 ：過去 現在 未來
這本冊想beh kā阮這十幾冬以來，有關台語文語料處理ê做法、成果kah一寡經驗，做khah詳細完整ê整理kah討論，同時mā介紹現有ê台語文線頂資源，一方面kā這段時間真濟友志做陣拍拚ê成果做記錄，另外一方面，mā向望透過chia ê介紹，鼓勵少年輩ê朋友加入這个少人行無人疼m̄-koh真有意義ê領域。
筆者是台北人，雖然自細漢講台語，總是讀國民小學了後，大環境ê關係，台語就漸漸拍無去，一直到讀大學，受著政治方面ê啟蒙，雄雄發現hŏng騙真久，開始關心台灣了後，才koh kā台語勻勻仔khioh轉來，1987年接觸著台語文，深深感覺台語ê傳承，文字是足要緊ê家私，chŏaⁿ規身撩落來，kā台語文成做一生ê志業。
因為台語文，ùi羅馬字（白話字）切入，才發覺台語文早就已經有濟甲若山ê文獻chhāi tī hia，了後koh發現，日本時代mā留足豐沛ê台語文本落來，濟甲讀袂完，雖然chia ê資料攏khah真oh-tit看著。
筆者是讀電腦ê，tī台大資訊系讀書ê時，本成讀甲小可無意無意，m̄知是m̄是beh繼續行落去，四年ê時，中央研究院資訊所陳克健老師來阮系開「自然語言處理」這門選修課，拍開我心內一扇窗，原來資訊ê專業會使運用tī語言處理方面。當其時讀ê教科書是teh討論英文beh按怎處理，華文彼陣才beh起步niǎ。
因為這个因緣，退伍了後我就去中研院資訊所詞庫小組食頭路，tè陳老師學工夫，陳老師成做後來我碩士kah博士ê共同指導老師。這期間考著清華資訊所去hia讀碩士，mā繼續tī詞庫小組做兼任助理。彼陣開發中文ê語詞檢索系統，中文語料ê內碼ùi電信碼、shift BIG-5 beh轉過去BIG-5，轉袂過ê漢字就用“”來表示，若去看hia ê語料，會看著滿天星，實務ê經驗予我深深感覺，資料若清氣，人生是彩色ê（至少khah好食睏），資料品質若bái，寫程式以外愛koh做真濟dirty work。
除了語詞檢索，koh有開發文稿校對系統，因為古文beh用人工校對實在真艱苦mā無效率，khah省錢ê方法是請兩間拍字行拍仝一份文本，了後用電腦系統揣出兩个電子檔案無仝ê所在，人工看這部分就好。碩士論文做文件自動分類，tī無用辭典ê情形，ùi文章內底揣出會當做分類標準ê關鍵詞，用chia ê關鍵詞來做文件分類，彼陣WWW才當起步，Google iah未出世。
Kā時間se̍h翻頭，做兵退伍轉台灣ê時，有接觸鄭良偉教授kah 伊開發ê TW301台語輸入法，對有電腦背景ê筆者來講，beh了解這个台語輸入法ê運作並無困難，會當家己修正、增補詞庫內容。讀碩士班ê時，真濟間學校已經有台語文相關社團，逐家做陣tī 1992年成立學生台灣語文促進會，我做第一任會長，會長有一个重要ê工課，就是發落《台語學生》這份機關刊物ê發行，《台語學生》一個月出三期，各校社團輪流編，負責ê社團愛家己寫稿、拍字，我這爿才彙[lūi]整，TW301輸入法（包括我增補ê詞庫）對刊物ê發行有真大ê幫贊，彼時陣ê台語文刊物，親像《台文通訊》等等，mā受著TW301大幫贊。
1999年筆者去大漢技術學院教書，思考家己ê研究方向，才開始考慮台語文kah電腦結合ê可能性，總是心內小可驚驚，一方面，進前並無人開創這个領域，是m̄是會當行出一條路，一屑仔把握都無，另外一方面mā無啥物基礎資源thang好運用，彼陣iah無線頂台語辭典，無充足ê語料。會記得有一擺請公假去世界台文營報告台語相關ê電腦工具，轉來beh報出差，會計室kā出差單退轉來，kā你寫講「與專業不符」。一直到2004年決定beh讀博士班，想beh做台語計算語言學方面ê研究，有幾个老師好心kā我提醒，做這可能無法度畢業。
有資源當然就kā sa來用，無資源就家己想法度kā生出來，進前tī詞庫小組練工夫，這馬會當發揮ah，啥物是台語無、華語有ê物件，kā做看覓就著ah，橫直有樣看樣無想家己想。總是台語文ê書寫加誠無一致，這表示愛做比中文koh-khah濟ê dirty work。Ùi 2000年利用鄭良偉教授提供ê詞條開發台華線頂辭典，了後kā家己ê庫存語料加上請台文刊物編輯提供，以chia ê語料做基礎，2003年開發台語文語詞檢索系統，紲落來koh kā書架仔頂頭古早ê台語書提去影印店scan轉做圖檔，2007年開發台語文記憶系統，想著啥物有需要就kā舞看覓。除了家己想beh做ê，koh有一寡是因為計畫ê壓力，硬kā chiⁿ出來ê，親像台文館ê台語發音系統kah台語文數位典藏資料庫，抑是教育部台語字詞頻統計等等，陸陸續續做出十幾个線頂系統，當然，大部分是團隊合作ê成果，m̄是家己一个人ê功勞。
會記得彼陣beh做進前，攏會先kā問題想予khah徹底leh，抑是先寫一个小程式試一下仔鹹汫，時機若成熟，揀一个無排課ê下晡，研究室門關起來mài予學生來枵飽吵，就撩落去緊寫程式，因為有家庭、有頭路，無才調無食無睏一直kā做落去，愛分幾lō遍；門關幾lō擺了後總算kā系統ê初胚完成，就先kā掛上網，koh換去使用者ê角度來想，看按怎改進會khah好勢，有ê idea想一、兩個月，有ê甚至考慮一、兩冬，有明確ê想法抑是揣著khah好ê解決方案了後，才chhiâu一个適當ê時間撩落去改。
會當將家己ê專長（電腦）kah興趣（台語文）結合做伙，後來行出一條路，過程雖然誠辛苦，總是心情是歡喜ê。不管按怎，ùi無啥會曉講台語到kā台語文工課當做一生ê志業，ùi大學開始不時想beh改途到一直讀起li（這馬tī台語系教書，mā算是改途ah），ùi可能袂畢業到終其尾提著博士學位（代價是身體規組害了了，ùi頭殼到跤底攏有koh-iūⁿ），人生確實是oh得按算。
筆者是台北人，雖然自細漢講台語，總是讀國民小學了後，大環境ê關係，台語就漸漸拍無去，一直到讀大學，受著政治方面ê啟蒙，雄雄發現hŏng騙真久，開始關心台灣了後，才koh kā台語勻勻仔khioh轉來，1987年接觸著台語文，深深感覺台語ê傳承，文字是足要緊ê家私，chŏaⁿ規身撩落來，kā台語文成做一生ê志業。
因為台語文，ùi羅馬字（白話字）切入，才發覺台語文早就已經有濟甲若山ê文獻chhāi tī hia，了後koh發現，日本時代mā留足豐沛ê台語文本落來，濟甲讀袂完，雖然chia ê資料攏khah真oh-tit看著。
筆者是讀電腦ê，tī台大資訊系讀書ê時，本成讀甲小可無意無意，m̄知是m̄是beh繼續行落去，四年ê時，中央研究院資訊所陳克健老師來阮系開「自然語言處理」這門選修課，拍開我心內一扇窗，原來資訊ê專業會使運用tī語言處理方面。當其時讀ê教科書是teh討論英文beh按怎處理，華文彼陣才beh起步niǎ。
因為這个因緣，退伍了後我就去中研院資訊所詞庫小組食頭路，tè陳老師學工夫，陳老師成做後來我碩士kah博士ê共同指導老師。這期間考著清華資訊所去hia讀碩士，mā繼續tī詞庫小組做兼任助理。彼陣開發中文ê語詞檢索系統，中文語料ê內碼ùi電信碼、shift BIG-5 beh轉過去BIG-5，轉袂過ê漢字就用“”來表示，若去看hia ê語料，會看著滿天星，實務ê經驗予我深深感覺，資料若清氣，人生是彩色ê（至少khah好食睏），資料品質若bái，寫程式以外愛koh做真濟dirty work。
除了語詞檢索，koh有開發文稿校對系統，因為古文beh用人工校對實在真艱苦mā無效率，khah省錢ê方法是請兩間拍字行拍仝一份文本，了後用電腦系統揣出兩个電子檔案無仝ê所在，人工看這部分就好。碩士論文做文件自動分類，tī無用辭典ê情形，ùi文章內底揣出會當做分類標準ê關鍵詞，用chia ê關鍵詞來做文件分類，彼陣WWW才當起步，Google iah未出世。
Kā時間se̍h翻頭，做兵退伍轉台灣ê時，有接觸鄭良偉教授kah 伊開發ê TW301台語輸入法，對有電腦背景ê筆者來講，beh了解這个台語輸入法ê運作並無困難，會當家己修正、增補詞庫內容。讀碩士班ê時，真濟間學校已經有台語文相關社團，逐家做陣tī 1992年成立學生台灣語文促進會，我做第一任會長，會長有一个重要ê工課，就是發落《台語學生》這份機關刊物ê發行，《台語學生》一個月出三期，各校社團輪流編，負責ê社團愛家己寫稿、拍字，我這爿才彙[lūi]整，TW301輸入法（包括我增補ê詞庫）對刊物ê發行有真大ê幫贊，彼時陣ê台語文刊物，親像《台文通訊》等等，mā受著TW301大幫贊。
1999年筆者去大漢技術學院教書，思考家己ê研究方向，才開始考慮台語文kah電腦結合ê可能性，總是心內小可驚驚，一方面，進前並無人開創這个領域，是m̄是會當行出一條路，一屑仔把握都無，另外一方面mā無啥物基礎資源thang好運用，彼陣iah無線頂台語辭典，無充足ê語料。會記得有一擺請公假去世界台文營報告台語相關ê電腦工具，轉來beh報出差，會計室kā出差單退轉來，kā你寫講「與專業不符」。一直到2004年決定beh讀博士班，想beh做台語計算語言學方面ê研究，有幾个老師好心kā我提醒，做這可能無法度畢業。
有資源當然就kā sa來用，無資源就家己想法度kā生出來，進前tī詞庫小組練工夫，這馬會當發揮ah，啥物是台語無、華語有ê物件，kā做看覓就著ah，橫直有樣看樣無想家己想。總是台語文ê書寫加誠無一致，這表示愛做比中文koh-khah濟ê dirty work。Ùi 2000年利用鄭良偉教授提供ê詞條開發台華線頂辭典，了後kā家己ê庫存語料加上請台文刊物編輯提供，以chia ê語料做基礎，2003年開發台語文語詞檢索系統，紲落來koh kā書架仔頂頭古早ê台語書提去影印店scan轉做圖檔，2007年開發台語文記憶系統，想著啥物有需要就kā舞看覓。除了家己想beh做ê，koh有一寡是因為計畫ê壓力，硬kā chiⁿ出來ê，親像台文館ê台語發音系統kah台語文數位典藏資料庫，抑是教育部台語字詞頻統計等等，陸陸續續做出十幾个線頂系統，當然，大部分是團隊合作ê成果，m̄是家己一个人ê功勞。
會記得彼陣beh做進前，攏會先kā問題想予khah徹底leh，抑是先寫一个小程式試一下仔鹹汫，時機若成熟，揀一个無排課ê下晡，研究室門關起來mài予學生來枵飽吵，就撩落去緊寫程式，因為有家庭、有頭路，無才調無食無睏一直kā做落去，愛分幾lō遍；門關幾lō擺了後總算kā系統ê初胚完成，就先kā掛上網，koh換去使用者ê角度來想，看按怎改進會khah好勢，有ê idea想一、兩個月，有ê甚至考慮一、兩冬，有明確ê想法抑是揣著khah好ê解決方案了後，才chhiâu一个適當ê時間撩落去改。
會當將家己ê專長（電腦）kah興趣（台語文）結合做伙，後來行出一條路，過程雖然誠辛苦，總是心情是歡喜ê。不管按怎，ùi無啥會曉講台語到kā台語文工課當做一生ê志業，ùi大學開始不時想beh改途到一直讀起li（這馬tī台語系教書，mā算是改途ah），ùi可能袂畢業到終其尾提著博士學位（代價是身體規組害了了，ùi頭殼到跤底攏有koh-iūⁿ），人生確實是oh得按算。
