台語歌曲欣賞 陳明章 菊花開的時
Che sī kun-kù Iûⁿ-kùi tī Ji̍t-pún sî-tāi ê siáu-soat só͘ kái-siá ê, hui-siông kám-jîn ê kò͘-sū
這是根據楊逵日治時代的小說所改寫的，非常感人的故事
作詞：李坤成 作曲：陳明章
台羅版
kiok-hue khui ê sî, gún lóng ē siūnn-khí lí
菊花開的時 阮攏會想起妳
siūnn-khí lí sán-sán ê sin-khu, uá tī tsuí-gû pinn
想起妳瘦瘦的身軀 倚佇水牛邊
Kiok-hue siā ê sî, gún lóng ē huâi-liām lí
菊花謝的時 阮攏會懷念妳
Huâi-liām lí thian-tsin ê nî-kí, tshin-tshiūnn khó-ài ê hue-luí
懷念妳天真的年紀 親像可愛的花蕊
lí ta̍k kang khan tio̍h tsuí-gû, khan khì suann-kha khì tsia̍h tsháu
妳逐工牽著水牛 牽去山跤去食草
koh tsi̍t bīn khuànn tsheh, khuànn kah ji̍t-thâu lo̍h-suann
閣一面看冊 看甲日頭落山
àm-sî-á tńg-khì tsú-pn̄g tshī ti, bô-îng tī tshù-āu
暗時轉去煮飯飼豬 無閒佇厝後
koh ē-kì-e kā lín lāu-pē phâng tsuí sé-bīn, lí si̍t-tsāi ū-iánn iú-hàu.
閣會記共恁老父捧水洗面 妳實在有影有孝
oo-tshiu oo-tshiu kā-kā-kiu, pe̍h-līng-si, kha kiu-kiu
烏鶖烏鶖嘎嘎啾 白鴒鷥跤勼勼
tsuí-gû tsuí-gû oo-pe̍h sîu, pua̍h-lo̍h kau-á-té ùn tāu-iû
水牛水牛烏白泅 跋落溝仔底搵豆油
āu--lâi tsuí-gû bē tiāu, gún khuànn lí ba̍k-sái it-ti̍t lâu
後來水牛賣掉 阮看妳目屎一直流
lín a-pa koh khiàm lâng gōo-tsa̍p-khoo, suah tsioh tsînn tsioh lâi gún tau
恁阿爸閣欠人五十塊 煞借錢借來阮兜
gún lāu-pē kìng-jiân kā lí bé khí-lâi tsuè suè-î, hōo gún tsin siūnn-beh khàu
阮老父竟然共妳買起來做細姨予阮真想欲哭
tse sī siánn-mé thinn-nî, gún tsin-tsiànn siūnn-beh lī-ka tshut-tsáu
這是啥麼天年 阮真正想欲離家出走
Kiok-hue khui ê sî, gún lóng ē siūnn-khí lí
菊花開的時 阮攏會想起妳
siūnn-khí lí sán-sán ê sin-khu, kah hua̍t-phuat ê tì-huī
想起妳瘦瘦的身軀 甲活潑的智慧
Kiok-hue siā ê sî, gún lóng ē huâi-liām lí
菊花謝的時 阮攏會懷念妳
huâi-liām lí thian-tsin ê nî-kí, tshin-tshīunn hue-luí hiah-nī suí
懷念妳天真的年紀 親像花蕊遐爾媠
白話字版
Kiok-hoe khui ê sî, gún lóng ē siūⁿ-khí lí
菊花開的時 阮攏會想起妳
Siūⁿ-khí lí sán-sán ê sin-khu, oá tī chúi-gû piⁿ
想起妳瘦瘦的身軀 倚佇水邊牛
Kiok-hoe siā ê sî, gún lóng ē hoâi-liām lí
菊花謝的時 阮攏會懷念妳
Hoâi-liām lí thian-chin ê nî-kí, chhin-chhiūⁿ khó-ài ê hoe-lúi
懷念妳天真的年紀 親像可愛的花蕊
Lí ta̍k kang khan tio̍h chúi-gû , khan khì soaⁿ-kha khì chia̍h chháu
妳逐工牽著水牛 牽去山跤去食草
Koh chi̍t bīn khoàⁿ chheh, khoàⁿ kah ji̍t-thâu lo̍h-soaⁿ
閣一面看冊 看甲日頭落山
Àm-sî tńg-khì chú-pn̄g chhī ti, bô-êng tī chhù-āu
暗時轉去煮飯飼豬 無閒佇厝後
Koh ē-kì kā lín lāu-pē phâng chúi sé-bīn, lí si̍t-chāi ū-iáⁿ iú-hàu
閣會記共恁老父捧水洗面 妳實在有影有孝
O͘-chhiu o͘-chhiu kā-kā-kiu, pe̍h-lēng-si, kha kiu-kiu
烏鶖烏鶖嘎嘎啾 白鴒鷥跤勼勼
Chúi-gû chúi-gû o͘-pe̍h siû, poa̍h-lo̍h kau-á-té ùn tāu-iû
水牛水牛烏白泅 跋落溝仔底搵豆油
Āu-lâi chúi-gû bē tiāu, gún khoàⁿ lí ba̍k-sái it-ti̍t lâu
後來水牛賣掉 阮看妳目屎一直流
Lín a-pa koh khiàm lâng gō͘-cha̍p-kho͘, soah chioh chîⁿ chioh lâi gún tau
恁阿爸閣欠人五十塊 煞借錢借來阮兜
Gún lāu-pē kèng-jiân kā lí bé khí-lâi chò sè-î, hō͘ gún chin siūⁿ-beh khàu
阮老父竟然共妳買起來做細姨予阮真想欲哭
Che sī siáⁿ-mih thiⁿ-nî, gún chin-chiàⁿ siūⁿ-beh lī-ka chhut-cháu
這是啥麼天年 阮真正想欲離家出走
Kiok-hoe khui ê sî, gún lóng ē siūⁿ-khí lí
菊花開的時 阮攏會想起妳
Siūⁿ-khí lí sán-sán ê sin-khu, kah hoa̍t-phoat ê tì-hūi
想起妳瘦瘦的身軀 甲活潑的智慧
Kiok-hoe siā ê sî, gún lóng ē hoâi-liām lí
菊花謝的時 阮攏會懷念妳
Hoâi-liām lí thian-chin ê nî-kí, chhin-chhiūⁿ hoe-lúi hiah-nī súi
懷念妳天真的年紀 親像花蕊遐爾媠
留言列表
