台語歌曲欣賞：鳳飛飛 風雨夜曲
(1992年發行，想要彈同調 Siūⁿ-beh toâⁿ kâng tiāu)
詞：周添旺，曲：許石 1949年
好聽閣袂跳針 Hó-thiaⁿ koh boē thiàu-chiam
歌詞佇下面 koa-sû tī ē-bīn
1.
Bî-bî ting-hué tsiò-tio̍h lâu-thang, sng-hong tsǹg ji̍p pâng,
微微燈火照著樓窗，酸風鑽入房，
pâng tiong to̍k ū gún tsi̍t lâng;
房中獨有阮一人；
Tsīng-tsīng kái sim-ì, tsí-ū tê-bī phang,
靜靜解心意，只有茶味香，
nî-tsînn hōo-tsuí tsha̍p-tsha̍p-tih-tih tsing-ka gún khóo-thàng.
簾簷雨水tsha̍p-tsha̍p 滴滴增加阮苦痛。
Hong-ú bô thîng sim-tsîng iū phiau-tāng,
風雨無停心情又飄動，
óng-nî sóo-ū ê hi-bāng;
往年所有的希望；
hi-sing kàu hiān-tsāi, m̄ guān lâi pàng-sang,
犧牲到現在，毋願來放鬆，
m̄ guān piàn-sîng tsi̍t tiûnn bāng.
毋願變成一場夢。
2.
Siūnn-khí sik-ji̍t liân-tshing sî-tāi, sè-tsîng gún m̄ tsai,
想起昔日年青時代，世情阮毋知，
tsí tsai gī-bū kah tsîng-ài;
只知義務佮情愛；
Kuè-tio̍h tîng-tha̍h-tha̍h, jîn-sing ê khóo-hái,
過著重疊疊，人生的苦海，
pīng bô hi-bāng sóng-sóng-khuài-khuài khuài-lo̍k tōo sing-gâi.
並無希望爽爽快快快樂渡生涯。
Tsí kiû bí-buán jia̍t-tsîng íng tsûn-tsāi,
只求美滿熱情永存在，
khó-pí iông-tshun hua tong khai;
可比陽春花當開；
Bô gî ūn-miā bái, uàn-thàn siánn lâng tsai,
無疑運命bái，怨嘆啥人知，
piàn-sîng siok-bo̍k àm pi-ai.
變成寂寞暗悲哀。
3
Tang-thinn mî tn̂g iā-pùann tîm-tsīng, hong-ú iū bô thîng,
冬天暝長夜半沈靜，風雨又無停，
siūnn-tio̍h ut-tsut ê sè-tsîng;
想著鬱卒的世情；
siū tsīn tshian-bān puann, kan-lân ê khóo-kíng,
受盡千萬般，艱難的苦境，
pīng bô hi-bāng íng-íng-uán-uán khuài-lo̍k kah hi-îng.
並無希望永永遠遠快樂佮虛榮。
Tsí kiû bí-buán kong-bîng ê tsiân-tîng,
只求美滿光明的前程，
nà tsai sì-bīn sī hong-íng;
哪知四面是風泳；
ka-thiam gún sim-būn, siánn lâng lâi tsō-sîng,
加添阮心悶，啥人來造成，
líng-luán sè-tsîng ê jîn-sing.
冷暖世情的人生。
白話字版
1.
Bî-bî teng-hóe chiò-tio̍h lâu-thang, sng-hong chǹg ji̍p pâng,
微微燈火照著樓窗，酸風鑽入房，
pâng tiong to̍k ū gún chi̍t lâng;
房中獨有阮一人；
Chēng-chēng kái sim-ì, chí-ū tê-bī phang,
靜靜解心意，只有茶味香，
nî-chîⁿ hō͘-chuí chha̍p-chha̍p-tih-tih cheng-ka gún khó͘-thàng.
簾簷雨水chha̍p-chha̍p 滴滴增加阮苦痛。
Hong-ú bô thêng sim-chêng iū phiau-tāng,
風雨無停心情又飄動，
óng-nî só͘-ū ê hi-bāng;
往年所有的希望；
Hi-seng kàu hiān-chāi, m̄ gōan lâi pàng-sang,
犧牲到現在，毋願來放鬆，
m̄ gōan piàn-sêng chi̍t tiûⁿ bāng.
毋願變成一場夢。
2.
Siūⁿ-khí sek-ji̍t liân-chheng sî-tāi, sè-chêng gún m̄ chai,
想起昔日年青時代，世情阮毋知，
chí chai gī-bū kah chêng-ài;
只知義務佮情愛；
Kòe-tio̍h tîng-tha̍h-tha̍h, jîn-seng ê khó͘-hái,
過著重疊疊，人生的苦海，
Pēng bô hi-bāng sóng-sóng-khòai-khòai khuài-lo̍k tō͘ seng-gâi.
並無希望爽爽快快快樂渡生涯。
Chí kiû bí-bóan jia̍t-chêng éng chûn-chāi,
只求美滿熱情永存在，
khó-pí iông-chhun hoa tong khai;
可比陽春花當開；
Bô gî ūn-miā bái, oàn-thàn siáⁿ lâng chai,
無疑運命bái,怨嘆啥人知，
piàn-sêng siok-bo̍k àm pi-ai.
變成寂寞暗悲哀。
3
Tang-thiⁿ mî tn̂g iā-pòaⁿ tîm-chēng, hong-ú iū bô thêng,
冬天暝長夜半沈靜，風雨又無停，
Siūⁿ-tio̍h ut-chut ê sè-chêng;
想著鬱卒的世情；
siū chīn chhian-bān poaⁿ, kan-lân ê khó͘-kéng,
受盡千萬般，艱難的苦境，
Pēng bô hi-bāng éng-éng-oán-oán khòai-lo̍k kah hi-êng.
並無希望永永遠遠快樂佮虛榮。
Chí kiû bí-bóan kong-bêng ê chiân-têng,
只求美滿光明的前程，
nà chai sì-bīn sī hong-éng;
哪知四面是風泳；
ka-thiam gún sim-būn, siáⁿ lâng lâi chō-sêng,
加添阮心悶，啥人來造成，
Léng-lóan sè-chêng ê jîn-seng.
冷暖世情的人生。
留言列表
