兄/姊、有志平安：
Tī這个氣候反常ê年尾時仔寫這張批kā恁請安、祝福，希望列位兄姊攏thang有勇健ê身體kap喜樂ê生活。
李江却台語文教基金會今年除了逐月日出版《台文通訊》《台文BONG報》兩份台語文雜誌，嘛承辦教育部台灣閩客語文學獎得獎作品集編校印刷kap電子冊製作，也有舉辦「2009台灣母語人權觀察座談會」一場、「2010年詩行－台語詩人大會」三場；協辦世界台文營、海翁台文營、自由時報台語文讀寫班、高雄醫學大學台語文入門課程kap醫學台語計劃，參與長老教會白話字教材製作，協助成大台灣語文測驗中心舉辦台語檢定kap研習，擔任學生社團台語指導，協助高雄市中小學台灣母語日訪視，協辦三重社大活動等等。
阮不時把握逐款機會掖台灣母語ê種子，董事kap同工投入濟濟心力推sak相關事工；M̄-koh這兩冬阮所收--著ê捐款真不足，致使一冬一擺ê大活動「阿却賞」(台語文學創作kap台語文學研究獎勵金)面臨強欲停辦ê地步. . .2010年「阿却賞」評審委員拄選出六篇論文、三首詩、三篇小說欲獎勵，總--是單單獎金就需要24萬9千；頒獎典禮訂12月26禮拜日下晡2:00~5:00欲借台北市NGO會館(台北市青島東路八號。近立法院第二會館、捷運板南線「善導寺」站)舉行頒獎典禮。
目前經費猶無夠28萬外(請參考預算表)。實在是姑不而將，阮需要面皮厚厚來kā眾有志募款，ǹg望大家好心好行、加減鬥相添，無論百--ê千--ê，恁所捐獻ê一錢五釐，攏是咱ê父母話欲開花結子ê重要助力。
為欲予台語出版品傳播--出-去，這擺捐款較濟予「阿却賞」--ê除了會得抵稅ê收據以外，阮koh欲送捐款者一寡物件，予咱無論自用iah送禮攏真有意義。
感謝大家熱情贊助支持！願台灣人kap台灣母語早一日出頭天！
李江却台語文教基金會 總幹事 陳豐惠 敬上
Tī這个氣候反常ê年尾時仔寫這張批kā恁請安、祝福，希望列位兄姊攏thang有勇健ê身體kap喜樂ê生活。
李江却台語文教基金會今年除了逐月日出版《台文通訊》《台文BONG報》兩份台語文雜誌，嘛承辦教育部台灣閩客語文學獎得獎作品集編校印刷kap電子冊製作，也有舉辦「2009台灣母語人權觀察座談會」一場、「2010年詩行－台語詩人大會」三場；協辦世界台文營、海翁台文營、自由時報台語文讀寫班、高雄醫學大學台語文入門課程kap醫學台語計劃，參與長老教會白話字教材製作，協助成大台灣語文測驗中心舉辦台語檢定kap研習，擔任學生社團台語指導，協助高雄市中小學台灣母語日訪視，協辦三重社大活動等等。
阮不時把握逐款機會掖台灣母語ê種子，董事kap同工投入濟濟心力推sak相關事工；M̄-koh這兩冬阮所收--著ê捐款真不足，致使一冬一擺ê大活動「阿却賞」(台語文學創作kap台語文學研究獎勵金)面臨強欲停辦ê地步. . .2010年「阿却賞」評審委員拄選出六篇論文、三首詩、三篇小說欲獎勵，總--是單單獎金就需要24萬9千；頒獎典禮訂12月26禮拜日下晡2:00~5:00欲借台北市NGO會館(台北市青島東路八號。近立法院第二會館、捷運板南線「善導寺」站)舉行頒獎典禮。
目前經費猶無夠28萬外(請參考預算表)。實在是姑不而將，阮需要面皮厚厚來kā眾有志募款，ǹg望大家好心好行、加減鬥相添，無論百--ê千--ê，恁所捐獻ê一錢五釐，攏是咱ê父母話欲開花結子ê重要助力。
為欲予台語出版品傳播--出-去，這擺捐款較濟予「阿却賞」--ê除了會得抵稅ê收據以外，阮koh欲送捐款者一寡物件，予咱無論自用iah送禮攏真有意義。
感謝大家熱情贊助支持！願台灣人kap台灣母語早一日出頭天！
李江却台語文教基金會 總幹事 陳豐惠 敬上