鯉魚潭、七星潭兩潭自行車道踏查記錄08-吉安溪出海口到花蓮港口親水區
南濱公園海岸。二、三十冬來，海岸線倒勼，所以海岸囥規排的肉粽角，無法度接近，後來改鋪做按呢，koh加上離岸堤。
Lâm-pin kong-hn̂g hái-hōaⁿ. Jī, saⁿ-cha̍p tang lâi, hái-hōaⁿ-sòaⁿ tò-kiu, só͘-í hái-hōaⁿ khǹg kui pâi ê bah-chàng-kak, bô hoat-tō͘ chiap-kīn, āu--lâi kái phò͘ chòe án-ne, koh ka-siōng lī-hōaⁿ-thê.
南濱公園海岸。倒爿暗時是鬧熱ê南濱夜市。
Lâm-pin kong-hn̂g. Tò-pêng àm-sî sī lāu-jia̍t ê Lâm-pin iā-chhī.
二十二khí-lò͘ ê牌仔。倒爿是殯儀館。
Jī-cha̍p jī khí-lò͘ ê pâi-á. Tò-pêng sī pin-gî-kóan.
接近北濱公園ê所在。遮施工足久，印象中超過一冬。
chiap-kūn Pak-pin kong-hn̂g ê só͘-chāi. Chiâ si-kang chiok kú, ìn-siōng tiong chhiau-kè chi̍t tang.
北濱公園北爿，頭前是曙光橋，hāⁿ過美崙溪，koh頭前白色建築物是花蓮港務局。0 khí-lò͘ ê牌仔是進前chhāi--ê，兩潭自轉車道通了後，牌仔應該愛換a。
Pak-pin kong-hn̂g pak-pêng, thâu-chêng sī Sú-kng-kiô, hāⁿ kè Bí-lûn-khoe, koh thâu-chêng pe̍h-sek kiàn-tio̍k-bu̍t sī Hoa-liân káng-bū-kio̍k. Lêng khí-lò͘ ê pâi-á sī chìn-chêng chhāi --ê, nn̄g thâm chū-chóan-chhia-tō thong liáu-āu, pâi-á èng-kai ài ōaⁿ --a.
曙光橋。
Sú-kng-kiô.
花蓮港ê海邊。
Hoa-liân-káng ê hái-piⁿ.
阮兜就tī遮附近。這段，暗頭仔時陣孔明車真濟。
Gún tau tō tī chiâ hū-kūn. Chit tōaⁿ, àm-thâu-á sî-chūn khóng-bêng-chhia chin chōe.
花蓮港ê碼頭。有駁岸cha̍h tiâu，風颱天抑是東北季風強ê時陣，來遮看海湧，安全koh讚！
Hoa-lian káng ê bé-thâu. Ū poh-hōaⁿ cha̍h tiâu, hong-thai-thiⁿ iah-sī tang-pak kùi-hong kiông ê sî-chūn, lâi chiâ khòaⁿ hái-éng, an-chôan koh chán!
Peh崎，頭前是花蓮港餐廳。
Peh kiā, thâu-chêng sī Hoa-liân-káng chhan-thiaⁿ.
留言列表
