台語心世界 Tâi-gú Sim Sè-kài

鯉魚潭、七星潭兩潭自行車道踏查記錄06-花蓮溪出海口到榮光社區

花蓮溪出海口北岸。這段ê景緻不止仔súi。
Hoa-liân-khoe chhut-hái-kháu pak hōaⁿ. Chit tōaⁿ ê kéng-tì put-chí-á súi.

 花蓮溪出海口北岸。
Hoa-liân-khoe chhut-hái-kháu pak hōaⁿ.

自轉車道是雙向ê，m̄-koh塗跤kan-na畫一向。
Chū-chóan-chhia-tō sī siang-hiòng ê, m̄-koh thô͘-kha kan-na ōe chi̍t hiòng.

十八khí-lò͘ ê牌仔。想著不公不義ê十八pha，這個政府有影糞埽。紲落來有肉粽角，看袂著海景。
Cha̍p-poeh khí-lò͘ ê pâi-á. Siūⁿ-tio̍h put-kong-put-gī ê cha̍p-poeh pha, chit ê chèng-hú ū-iáⁿ pùn-sò. Sòa--lo̍h-lâi ū bah-chàng-kak, khòaⁿ bōe tio̍h hái-kéng.

路邊ê水牛。這段ê景緻較bái，有時仔空氣mā無啥好。
Lō͘-piⁿ ê súi-gû. Chit tōaⁿ ê kéng-tì khah bái, ū-sî-á khong-khì mā bô siáⁿ hó.

隔無偌遠，換做黃牛。
Keh bô gōa hn̄g, ōaⁿ chòe n̂g-gû.

Ùi 遮欲peh起去化仁駁岸。
Ùi chiâ beh peh khí-li Hòa-jîn poh-hōaⁿ.

 十九khí-lò͘ ê牌仔。閣看著大海a。
Cha̍p-káu khí-lò͘ ê pâi-á. Koh khòaⁿ-tio̍h tōa-hái a. 

化仁駁岸。這段海岸ê景緻mā足súi。
Hòa-jîn poh-hōaⁿ. Chit tōaⁿ hái-hōaⁿ ê kéng-tì mā chiok súi.

化仁駁岸。
Hòa-jîn poh-hōaⁿ.

化仁駁岸。遠遠霧霧ê細粒山就是美崙山。
Hòa-jîn poh-hōaⁿ. Hn̄g-hn̄g bū-bū ê sòe lia̍p soaⁿ tō sī Bí-lūn-soaⁿ.

頭前是南濱公園，佮遮中央隔一條吉安溪。愛ùi遮插出去193縣道。
Thâu-chêng sī Lâm-pin kong-hn̂g, kah chiâ tiong-ng keh chi̍t tiâu Kiat-an-khoe. Ài ùi chiâ chhah chhut-khì 193 kōan-tō.

二十khí-lò͘ ê牌仔。愛倒斡向南入去榮光社區。
Jī-cha̍p khí-lò͘ ê pâi-á. Ài tò-oat ǹg lâm ji̍p-khì Êng-kng siā-khu.