4月24(禮拜)臺灣戲曲社,佇台北大龍峒保安宮進行「2011保生文化季家姓戲匯演〈海公奇案‧天倫夢覺〉」暗時6點開始扮仙、7點正戲開始。敬請逐家前往觀賞!本劇本是小金枝歌劇團副團長林美雀老師所創作,入選2009年台中萬象燈會的表演戲文。故事主要塊講男主角鄭文秀上京赴考,平步青雲的時,為著欲求榮華富貴,先欺君瞞上、後來閣刣死老母家後的故事。雖罔鄭文秀得意一時,落尾猶原難逃天理制裁,自殺死亡。劇情佮主題佇這个資訊爆  炸的時代,並無算新,毋閣佇傳統戲劇、導正社會風俗所強調的倫理價值、道德觀念,值得現代人深刻反省的一部精彩好戲。

4-ge̍h 24 (lé-pài) Tâi-uan hì-khik-siā, tī Tâi-pak Tuā-lông-pōng Pó-an-kiong tsìn-hîng '2011 pó-sing bûn-huà-kuì ka-sìnn-hì huē-ián <hái-kong kî-àn ‧ thian-lûn bāng kak> ' àm-sî 6 tiám khai-sí pān-sian, 7 tiám tsiànn-hì khai-sí. Kìng-tshíann ta̍k-ke tsiân-óng kuan-sióng! Pún ki̍k-pún sī Sió-kim-ki kua-ki̍k-thuân hù-thuân-tiúnn Lîm Bí-tshiok lāu-su sóo tshòng-tsok, ji̍p-suán 2009 nî Tâi-tiong bān-siōng ting-huē ê piáu-ián hì-bûn. Kòo-sū tsú-iàu teh kóng lâm-tsú-kak Tīnn Bûn-siù tsiūnn-kiann hù-khó, pîng-pōo tshing-hûn ê sî, uī-tio̍h beh kiû îng-huâ hù-kuì, sing khi kun muâ siōng, āu-lâi kok thâi sí lāu-bú ke-āu ê kòo-sū. Sui-bóng Tīnn Bûn-siù tik-ì tsi̍t-sî, lo̍h-bé iû-guân lân tô thian-lí tsè-tshâi, tsū-sat sí-bông. Ki̍k-tsîng kah tsú-tê tī tsit ê tsu-sìn po̍k-tsà ê sî-tāi, pīng-bô sǹg sin, m̄-koh tī thuân-thóng hì-kio̍k, tō-tsìng siā-huē hong-sio̍k sóo kiông-tiāu ê lûn-lí kè-ta̍t, tō-tik kuan-liām, ta̍t-tit hiān-tāi-lâng tshim-khik huán-síng ê tsi̍t phōo tsing-tshái hó hì.

2011/4/24 海公奇案

arrow
arrow
    全站熱搜

    ungian 發表在 痞客邦 留言(0) 人氣()