台語心世界 Tâi-gú Sim Sè-kài

台語歌：家後

詞曲：鄭進一   唱：江蕙

ū tsi̍t ji̍t lán nā lāu  有一日咱若老

 tshuē bô lâng kā lán iú-hàu  揣無人共咱有孝

 guá ē puê lí tsē tiàm í-liâu  我會陪你坐踮椅條

thiann lí kóng siàu-liân ê sî-tsūn lí ū guā gâu  聽你講少年的時陣你有外gâu

 tsia̍h hó tsia̍h bái bô kè-kàu  食好食bái無計較

uàn thinn uàn tē mā bē hiáu  怨天怨地嘛袂曉

lí ê tshiú guá ē kā lí khan-tiâu-tiâu  你的手　我會共你牽牢牢

in-uī guá sī lí ê ke-āu  因為我是你的家後
 




gún tsiong tshing-tshun kè tī lín tau  阮將青春嫁佇恁兜

gún uì siàu-liân tè lí tè kah lāu  阮對少年綴你綴甲老

jîn-tsîng-sè-sū í-king khuànn-thàu-thàu  人情世事已經看透透

ū siánn-lâng pí lí khah tiōng-iàu  有啥人比你較重要

gún ê it-sing hiàn hōo lín tau 阮的一生獻予恁兜

tsiah tsai hīng-hok sī tshá-tshá-nāu-nāu  才知幸福是吵吵鬧鬧

tán-thāi tńg--khì ê sî-tsūn nā kàu  等待轉去的時陣若到

guá ē hōo lí sing tsáu  我會予你先走

in-uī guá ē m̄ kam pàng lí  因為我會毋甘　放你

uī guá ba̍k-sái lâu  為我目屎流


ū tsi̍t ji̍t lán nā lāu  有一日咱若老

ū sim-pū kiánn-jî iú-hàu  有新婦囝兒有孝

lí nā bô-liâu thê lán ê siòng-phìnn  你若無聊　提咱的相片

khuànn khah tsá kiat-hun ê sî-tsūn lí guā iân-tâu  看較早結婚的時陣你外緣投

tshīng hó tshīng bái bô kè-kàu  穿好穿bái無計較

kuài tang kuài sai mā bē hiáu  怪東怪西嘛袂曉
 
lí ê sim guá tio̍h íng-uán kì-tiâu-tiâu  你的心　我著永遠記牢牢

in-uī guá sī lí ê ke-āu  因為我是你的家後

gún tsiong tshing-tshun kè tī lín tau  阮將青春嫁佇恁兜

gún uì siàu-liân tè lí tè kah lāu  阮對少年綴你綴甲老

jîn-tsîng-sè-sū í-king khuànn-thàu-thàu  人情世事已經看透透

ū siánn-lâng pí lí khah tiōng-iàu  有啥人比你較重要

gún ê it-sing hiàn hōo lín tau  阮的一生獻予恁兜

tsiah tsai hīng-hok sī tshá-tshá-nāu-nāu  才知幸福是吵吵鬧鬧

tán-thāi tńg--khì ê sî-tsūn nā kàu  等待轉去的時陣若到

lí tio̍h hōo guá sing tsáu  你著予我先走

in-uī guá mā m̄ kam khuànn lí  因為我嘛毋甘　看你

uī guá ba̍k-sái lâu 為我目屎流