台語歌欣賞:許景淳-天頂的月娘啊

作詞:潘芳烈 作曲:潘芳烈

天頂的月娘啊 你敢有塊看
Thiⁿ-téng ê ge̍h-niû a, Lí kám ū teh khoàⁿ
看阮的心肝啊 為何塊做疼
Khoàⁿ gún ê sim-koaⁿ  Ūi-hô teh chò thiàⁿ
天頂的月娘啊 我輕輕叫一聲
Thiⁿ-téng ê ge̍h-niû a goá khin-khin kiò chi̍t siaⁿ
望伊會知影啊 毋通予我孤單
Bāng lí ē chai-iáⁿ  M̄-thang hō͘ goá ko͘-toaⁿ

是毋是頂世人 欠你的感情債
Sī m̄ sī téng-sì-lâng  khiàm lí ê kám-chêng chè
這世人 欲用青春提來賠
Chit sì-lâng beh iōng chheng-chhun the̍h lâi poê
你的心遐爾冷 你的愛遐爾冰
Lí ê sim hiah-nī léng, lí ê ài hiah-nī peng
這世間 有啥人親像我遮癡情
Che sè-kan ū siáⁿ-lâng chhin-chhiūⁿ goá chiah chhi-chêng

一暝一暝的相思 浮浮沉沉放袂離
Chi̍t mî chi̍t mî ê siuⁿ-si,  phû-phû tîm-tîm pâng boē lī
一擺一擺攑頭看 流星哪會遮無伴
Chi̍t pái chi̍t pái gia̍h-thâu khoàⁿ, liû-chhiⁿ nà-ē chiah bô phoāⁿ

** 天頂的月娘啊 你敢有塊看
Thiⁿ-téng ê ge̍h-niû a, Lí kám ū teh khoàⁿ
看阮的心肝啊 為何塊做疼
Khoàⁿ gún ê sim-koaⁿ  Ūi-hô teh chò thiàⁿ
天頂的月娘啊 我輕輕叫一聲
Thiⁿ-téng ê ge̍h-niû a goá khin-khin kiò chi̍t siaⁿ
望伊會知影啊 毋通予我孤單
Bāng lí ē chai-iáⁿ  M̄-thang hō͘ goá ko͘-toaⁿ

創作者介紹

台語心世界 Tâi-gú Sim Sè-kài

ungian 發表在 痞客邦 PIXNET 留言(0) 人氣()