台語心世界 Tâi-gú Sim Sè-kài

一句話的啟示

各位評審、各位來賓，逐家(ta̍k-ke)好，我是第一號，今仔日我欲(beh)演講的題目是，一句話的啟示(khé-sī)。

頂一暫(chām)仔，爸爸買一本冊予(hō͘)我，冊名叫做：「囡(gín)仔，先勿(mài)著急(tio̍h-kip)食棉糖」，這句「囡仔，先勿 (mài)著急食棉糖」，予我真濟(chē)的啟示。冊皮有一張圖，一個查某囡仔企(khiā)tiàm([店])歸(整)堆的棉糖頂懸(koân)，足想欲(beh)食的款，害我喙瀾(chhùi-noā)強欲(beh)tin(流) 落來。Ê─，毋閣(m̄-koh)講也奇怪，明明叫咱先勿著急食棉糖，是按怎煞閣佇(tī)冊皮頂面，畫歸(整)堆的棉糖共(kā)咱siânn([引誘])？

掀開看，冊內底講著美國Standford(史丹佛)大學有做一個真心適(sim-sek)的實驗(si̍t-giām)，in(他們)共囡仔留佇房間內，予in(他們)一人一塊棉糖，in(他們)家己通 (thang)好決定，看是欲(beh)隨共食掉，抑(iah)是閣加(ke)等十五分鐘，若(nā)是願意加等一下，到時陣(chūn)就加賞 (siúⁿ)伊一塊棉糖。後來in(他們)發現，有耐心、肯(khéng)等待的囡仔，大漢了後，無論佇功課表現抑(iah)是人佮(kah)人的關係，攏(lóng)卡贏過隨就共棉糖食掉的囡仔。

哦！原來是按呢，雖然畫hiah([那麼])濟(chē)棉糖共咱siânn([引誘])，其實是欲(beh)考驗咱的意志(chì)。這本冊讀了，予我知影 冷靜思考 實在是足(chiok)重要。我想著逐擺欲(beh)考試進前，爸爸媽媽會暫時boài([不要]) chhoā([帶])阮出去sńg([玩])，愛阮佇厝(chhù)內好好仔讀冊，有一擺我放放(hòng-hòng)，無認真讀，想講時到時當 (tng)，無米才(chiah)來煮蕃薯湯，結果考試的成績(sêng-chek)出來，我考了土土土，提著考卷(khó-kǹg)的時，心內真艱 (kan)苦，忍(jím)袂(be)tiâu，煞佇教室內就哮(háu)出來。

猶閣有一擺，我看人佇舞台頂演奏鋼琴(kǹg-khîm)，心內真欣羨(him-siān)，共媽媽講我嘛(mā)欲(beh)上台(chiūⁿ- tâi)表演，展(tián)我的工夫(kang-hu)，媽媽講，你mài([不要])看人上台表演才短短幾分鐘，káⁿ-ná([好像])足輕鬆共 (kāng)款，實際上，人欲(beh)上台進前，攏(lóng)愛經過一擺閣一擺不斷(put-toān)的練習(si̍p)，才有可能上台演出，台頂十分鐘，台下(hā)十年工，就是這個意思。

爸爸共我講，機會是留予已經準備好的人，若是家己準備好，機會來的時，就會當來把握(pá-ak)；假使(ká-sú)完全無準備，煞(soah)講準備好a，一支嘴胡(hô͘)累累，空嘴哺(po͘)舌(chi̍h)，講著全頭路，做的無半步，結果共代誌舞甲花kô-kô，he([那])攏(lóng) 是無影的。

咱台灣的俗語(gí)話講：「食緊弄破碗」，有時陣，咱著急欲(beh)做一項代誌(tāi-tsì)，若傷(siuⁿ)過倉碰(tshong- pōng)，無好好仔計畫，顛倒會離目標愈遠。另外一句俗語話講：「大隻雞慢啼(thî)」，輸贏是看後日，毋(m̄)是短短的目前(ba̍k- chêng)，人講好酒沈甕(àng)底，好戲看煞尾，嘛(mā)是這個意思。

若準是你，你敢(kám)欲(beh)著急共棉糖食食去，抑(iah)是欲(beh)先做好準備，才(chiah)來享受成果？我的演講到遮(chia)結束，感謝逐(ta̍k)家聽我講，祝福逐家攏會當(tàng)先苦後甜，富貴(kùi)萬年，擼(ló͘)力！