台語心世界 Tâi-gú Sim Sè-kài

我尚愛讀的一本冊

各位評審、老師、囡(gin)仔兄大(tak)家好，我是四年信班楊丹宏，今仔日 我欲(beh)講的題目是，我尚愛讀的一本冊，我尚愛讀的一本冊。

頂一暫(tsam)仔，爸爸買一本「囡(gin)仔，先勿(mai)著急(tioh-kip)食棉糖」予(hou)我，這是我最近尚愛讀的一本冊。

冊皮有一張圖，一個查某囡(gin)仔 企(khia)tiam([店])歸(整)堆的棉糖頂懸(kuan)，足想欲(beh)食的款，害我喙瀾(tshui-nua)強欲(beh)tin(流)落來。掀開看，冊內底講著美國Standford(史丹佛)大學 有做一個真心適(sim-sik)的實驗(sit-giam)，in(他們)共(ka)囡(gin)仔留佇(ti)房間內，予(hou)in(他們)一人一塊棉糖，in(他們)家己通(thang)好決定，看是欲(beh) 隨共(ka)食掉，抑(iah)是閣加(ke)等十五分鐘，若(na)是願意加(ke)等一下，到時陣(tsun) 就加(ke)賞(siuN)伊一塊棉糖。後來in(他們)發現，有耐心、肯(khing)等待的囡(gin)仔，大漢了後，無論佇(ti)功課表現 抑(iah)是人佮(kah)人的關係，攏(long)卡贏過 隨就共(ka)棉糖食掉的囡(gin)仔。

這本冊利用虹(khing)的色緻(ti)，用七色的棉糖 來講七段精彩的故事，紅色棉糖提醒咱佇(ti)考試進前 愛先專心準備功課；柑仔色棉糖 鼓勵咱建立自信；黃色棉糖 教咱愛準時；綠色棉糖 教咱愛好好仔運用私傢(sai-khia)錢。

續(sua)落來，藍色棉糖 請咱定一個目標，一步一腳印 向這個目標行過去；青色棉糖 教咱佮(kah)好朋友交陪的撇(phiat)步；尚尾仔 茄仔色的棉糖 教咱看著好食物(ho-tsiah-mih)的時 愛知影撙節(tsun-tsat)。

我印象尚深的故事是「建立自信的柑仔色棉糖」，主角Jenifer(珍妮佛)的老師 請in(他們)班每一個同學 上台(tsiuN-tai)講故事，Jenifer(珍妮佛)想欲佮(kah)大(tak)家分享 爸爸共(ka)伊講過的 棉糖的故事，m閣伊m捌(m-bat)上台(tsiuN-tai)，心內會驚惶(kiaN-hiaN)；伊的好朋友Lina(莉娜)一直共(ka)伊鼓勵，伊家己嘛(ma)認真練習，最後上台(tsiuN-tai)演講，得著(tit-tioh)大(tak)家的噗(phok)仔聲。

這本冊讀了，予(hou)我知影 冷靜思考 實在是足(tsiok)重要。咱台灣的俗語話講：「食緊弄破碗」，有時陣 咱著急(tioh-kip)欲(beh)做一項代誌(tai-tsi)，若傷(siuN)過倉碰(tshong-pong)無好好仔計畫，顛倒會離目標愈遠。另外一句俗語話講：「大隻雞慢啼」，輸贏是看後日，m是短短的目前(bak-tsing)。

若準是你，你敢(kam)欲(beh) 著急(tioh-kip)共(ka)棉糖食食去？ 停一下，2秒鐘 我的演講到遮(tsia)結束，多謝大(tak)家聽我講，擼(lou)力！