這些報導文學，不是用漢字寫的，是用羅馬字、用台語寫的，比官方文件生動多了。
這是1888年描述大庄事件（大庄就是現在的富里鄉東里村，西拉雅平埔族聚落）的文章，我改成漢羅
6月25，內平埔thâi委員。Kàu 6/28透早，海墘ê平埔參阿美有來蟳廣澳燒營盤。姓鍾ê大老hit暝落船逃走，伊ê兵也走 ... 後來阿美仔入街裡，搶店頭ê物，續thâi hia-ê做生理人 ... kàu 29早起，Gōng兄參兩個兄弟chhōa我上禮拜堂後hit個山坪，講，我tio̍h看，若是阿美仔出來beh chhiau山，我tio̍h起去khah kôan ... Tī hia暝時聽見人teh khâm嗽（咳嗽）... Kàu明仔早起tú著伊，正知是石雨傘徐總理，就是前何總理ê囝婿。伊是廣東人，猶原驚，平平tio̍h去山裡bih。伊kā我講，昨暝伊bih tī hia,我有lè（擦）這支火擦（火柴）beh食熏，伊看見火真驚，驚了是阿美仔ê火龍索（火繩），來hia teh當等beh thâi伊 ... Hit日就做夥去kàu kôan山。後來聽見講阿美仔有影有出來chhiau,不過無kàu阮bih hiah遠。... （過兩禮拜）koh落去，hit-tia̍p無lóng安靜；總理m̄敢tòa，猶原去山裡，加bih成月日久。...Kàu óa 8月初裡，有一日阿美仔出來chhiau山；kàu日晝來石雨傘禮拜堂埕hioh睏，叫兄弟tio̍h煮飯hō͘ in食。Hit時我tī禮拜堂內ê房間teh睏，in成百人tī門口teh坐；hit個pín-á（竹屏）壁也疏疏(se-se)；kai-chài in無àⁿ teh看，也無人入禮拜廳；若有，就的確知我tī-teh。...Hit-tia̍p平埔參阿美仔去phah寶桑營盤ê時，兄弟m̄愛kap in去，in無beh放in soah。兄弟就罔參in去行，後來沿路勻仔閃，勻仔溜，lóng倒轉來。Hit時官兵beh去bih,khah愛bih tī咱兄弟ê厝；in phah算khah穩當。Kàu尾tī寶桑將chiah-ê代誌去講hō͘大人知。
當然這只是一小部分，有興趣的人，可以看這篇花蓮文學研討會的論文：台語羅馬字書寫的花東報導文學初探─以《台灣教會公報》1885~1911年為例 http://iug.csie.dahan.edu.tw/iug/Ungian/Chokphin/Lunbun/poj-tangpou/poj-tangpou.asp
這是1888年描述大庄事件（大庄就是現在的富里鄉東里村，西拉雅平埔族聚落）的文章，我改成漢羅
6月25，內平埔thâi委員。Kàu 6/28透早，海墘ê平埔參阿美有來蟳廣澳燒營盤。姓鍾ê大老hit暝落船逃走，伊ê兵也走 ... 後來阿美仔入街裡，搶店頭ê物，續thâi hia-ê做生理人 ... kàu 29早起，Gōng兄參兩個兄弟chhōa我上禮拜堂後hit個山坪，講，我tio̍h看，若是阿美仔出來beh chhiau山，我tio̍h起去khah kôan ... Tī hia暝時聽見人teh khâm嗽（咳嗽）... Kàu明仔早起tú著伊，正知是石雨傘徐總理，就是前何總理ê囝婿。伊是廣東人，猶原驚，平平tio̍h去山裡bih。伊kā我講，昨暝伊bih tī hia,我有lè（擦）這支火擦（火柴）beh食熏，伊看見火真驚，驚了是阿美仔ê火龍索（火繩），來hia teh當等beh thâi伊 ... Hit日就做夥去kàu kôan山。後來聽見講阿美仔有影有出來chhiau,不過無kàu阮bih hiah遠。... （過兩禮拜）koh落去，hit-tia̍p無lóng安靜；總理m̄敢tòa，猶原去山裡，加bih成月日久。...Kàu óa 8月初裡，有一日阿美仔出來chhiau山；kàu日晝來石雨傘禮拜堂埕hioh睏，叫兄弟tio̍h煮飯hō͘ in食。Hit時我tī禮拜堂內ê房間teh睏，in成百人tī門口teh坐；hit個pín-á（竹屏）壁也疏疏(se-se)；kai-chài in無àⁿ teh看，也無人入禮拜廳；若有，就的確知我tī-teh。...Hit-tia̍p平埔參阿美仔去phah寶桑營盤ê時，兄弟m̄愛kap in去，in無beh放in soah。兄弟就罔參in去行，後來沿路勻仔閃，勻仔溜，lóng倒轉來。Hit時官兵beh去bih,khah愛bih tī咱兄弟ê厝；in phah算khah穩當。Kàu尾tī寶桑將chiah-ê代誌去講hō͘大人知。
當然這只是一小部分，有興趣的人，可以看這篇花蓮文學研討會的論文：台語羅馬字書寫的花東報導文學初探─以《台灣教會公報》1885~1911年為例 http://iug.csie.dahan.edu.tw/iug/Ungian/Chokphin/Lunbun/poj-tangpou/poj-tangpou.asp
全站熱搜
留言列表
