公告版位

目前日期文章:200606 (2)

瀏覽方式: 標題列表 簡短摘要
Using a New Language in Africa to Save Dying Ones
 
November 12, 2004
 By MARC LACEY
 
NAIROBI, Kenya, Nov. 11 - Swahili speakers wishing to use a "kompyuta" - as
computer is rendered in Swahili - have been out of luck when it comes to
communicating in their tongue. Computers, no matter how bulky their hard drives
or sophisticated their software packages, have not yet mastered Swahili or
hundreds of other indigenous African languages.
 

ungian 發表在 痞客邦 PIXNET 留言(0) 人氣()

5/29-30 tī台北有一場台灣歷史kap文化國際會議,除了台灣,koh邀請美、日、英、法、荷、西六國ê學者(包括荷蘭前總理)演講kah發表論文,介紹目前世界各所在做ê台灣研究。會議有一個hiáⁿ目[醒目] ê標題:「世界lóng [都] teh哈台灣」,網站tī http://2006tw.tw。綜合講者ê論點kah家己ê思考,下面幾點kah ta̍k家[大家]分享。
政治情勢會改變,m̄-koh [不過]地理位置bōe [不會]變。台灣khiā ê位,tī兩塊板塊ê交界,mā tī大陸kah海洋ê交界,hō͘ 台灣有豐富ê生物資源,15世紀海權國家浮頭,beh去亞洲大陸,tō愛先經過台灣,所以台灣400外冬前tō進入世界歷史。咱學世界歷史,應該連結台灣,hō͘ 咱ê學生讀了有感覺,培養世界觀。海權國家出外探險,台灣是in心目中ê金銀島,有烏金(土炭) koh有黃金;歐洲人去南美洲,mā帶傳染病去,致使短短時間內印加帝國崩敗,台灣mā類似,荷蘭人來台灣,hō͘ 原住民鄒族真chōe [多]人因為出珠(天花)死亡。......
會議ê DM頂面寫一句話:「美國大學開設台語課程比台灣早十冬,日本、法國十幾間大學mā tè [跟] leh做」。咱m̄-thang [不要] kan-na [只]看著中國iah [或]是美國,歐洲kah其它國家mā愛看重,尤其是芬蘭(小國,世界競爭力第一名,咱愛學習)。愛重視家己已經有ê資產,加上宣傳,咱絕對行會出去,世界lóng會看著咱!
自由時報自由廣場  2006/6/3

 Sè-kài lóng teh hah tâi-ôan


   5/29-30 tī Tâi-pak ū chi̍t-tiûⁿ Tâi-ôan le̍k-sú kap bûn-hòa kok-chè hōe-gī, tû-liáu Tâi-ôan, koh iáu-chhiáⁿ Bí, Ji̍t, Eng, Hoat, Hô, Se la̍k-kok ê ha̍k-chiá (pau-koah Ho-lan ê chiân chóng-lí) ián-káng kah hoat-piáu lūn-bûn, kài-siāu bo̍k-chiân sè-kài kok só͘-chiā chòe ê Tâi-ôan gián-kiù. Hōe-gī ū chi̍t-ê hiáⁿ-ba̍k ê piau-tôe: “Sè-kài lóng teh hah Tâi-ôan”, bāng-chām tī http://2006tw.tw. Chong-ha̍p káng-chiá ê lūn-tiám kah ka-kī ê sú-khó, ē-bīn kúi-tiám kah ta̍k-ke hun-hióng.
   Chèng-tī chêng-sè ē kái-piàn, m̄-koh tōe-lí ūi-tì bōe piàn. Tâi-ôan khiā ê ūi, tī nn̄g-tè pán-khòai ê kau-kài, mā tī tāi-lio̍k kah hái-iûⁿ ê kau-kài, hō͘ Tâi-ôan ū hong-hù ê seng-bu̍t chu-gôan, cha̍p-gō͘ sè-kí hái-kôan kok-ka phû-thâu, beh khì A-chiu tāi-lio̍k, tō ài seng keng-kè Tâi-ôan, só͘-í Tâi-ôan sì-pah-gōa-tang chêng tō chìn-ji̍p sè-kài le̍k-sú. Lán o̍h sè-kài le̍k-sú, èng-kai liân-kiat Tâi-ôan, hō͘ lán ê ha̍k-seng tha̍k liáu ū kám-kak, pôe-ióng sè-kài-koan. Hái-kôan kok-ka chhut-gōa thàm-hiám, Tâi-ôan sī in sim-bo̍k-tiong ê kim-gûn-tó, ū o͘-kim (thô͘-thòaⁿ) koh ū n̂g-kim; Au-chiu-lâng khì Lâm-bí-chiu, mā tòa thôan-jiám-pīⁿ khì, tì-sú té-té sî-kan lāi Ìn-ka tè-kok pang-pāi, Tâi-ôan mā lūi-sū, Hô-lân-lâng lâi Tâi-ôan, hō͘ gôan-chū-bîn Cho͘-cho̍k chin-chōe lâng in-ūi chhut-chu sí-bông......
   Hōe-gī ê DM téng-bīn siá chi̍t-kù ōe: “Bí-kok tāi-ha̍k khai-siat Tâi-gú khò-têng pí Tâi-ôan chá cha̍p-tang, Ji̍t-pún, Hoat-kok cha̍p-kúi-keng tāi-ha̍k mā tè leh chòe.” Lán m̄-thang kan-na khòaⁿ-tio̍h Tiong-kok iah-sī Bí-kok, Au-chiu kah kî-thaⁿ kok-ka mā ài khòaⁿ-tiōng, iû-kî sī Hun-lân (sió-kok, sè-kài kēng-cheng-le̍k tē-it-miâ, lán ài ha̍k-si̍p). Ài tiōng-sī ka-kī í-keng ū ê chu-sán, ka-siōng soan-thôan, lán cho̍at-tùi kiâⁿ ē chhut--khì, sè-kài lóng ē khòaⁿ-tio̍h lán!

ungian 發表在 痞客邦 PIXNET 留言(0) 人氣()

找更多相關文章與討論